بسم الله الرحمن الرحيم
السلام عليكم ورحمة الله
تدوينتي اليوم عن الديكوباج
هو فن نستخدم فيه مناديل السفرة لتزيين الاغراض نقدر نستخدمه في اشياء زي العلب القديمة او الشموع او الصحون واستخدمات كثيره غيرها
انا راح استخدم الطريقة على فرش الشعر القديمة واغير شكلها بالديكوباج
ادوات العمل للديكوباج :
١-غرا خشب نخففه بشوية مويه
او ممكن تشترون الغرا الخاص فيه تلقونه في جرير
٢-مناديل السفره تلقونها في السوبرماركت او محلات الاكسسوارات المنزلية انا
اخذتها من لايف ستايل
٣-الوان اكريليك
٤-فرشة كبيرة للتوزيع
٥-بخاخ ورنيش
خطوات العمل :
اول شي نظفت فرشة الشعر وبعدها لونتها بـ الوان الاكريليك انا استخدمت الفرشه والافضل نستخدم اداة التوزيع الخاصه فيها
في الوقت اللي نستنى فيها اللون يجف
نجيب المناديل وهذا شكلها
اول شي نقص الشكل اللي نحبه وبعد ما نقصه نشيل الطبقات اللي تكون باللون الابيض ونترك بس الطبقة اللي عليها رسمه بس
نجرب كيف حابين يكون شكلها
بعد ما نتأكد من توزيعها نحط غرا الخشب
قبل ما احط الورده نوزع شوية منه على الفرشه مكان الوره وبعدين على الورده
قبل ما احط الورده نوزع شوية منه على الفرشه مكان الوره وبعدين على الورده
من فوق و زي ما قلت نحط كميه من الغرا في كاس ونخففه مع شوية مويه
زي الصورة
بعد ما نحط الغرا ننتظرها تجف تماماً وفي الاخير نرشها بالورنيش عشان نحافظ على شكل العمل
وهذا شكل الفرشة الثانية بنفس الطريقة تقريباً بس هذي اضفت عليها جليتر ذهبي
اتمنى تكون عجبتكم الفكره
وتجربونها 🌹😘
