اعادة تدوير كاسات الزجاج 🌟~

بسم الله الرحمن الرحيم 

السلام عليكم ❤️

تدوينتي اليوم هي عن اعادة تدوير كاسات الزجاج

بحيث نستفيد منها بشكل حلو و بطرق واستخدمات مختلفة

.....

الادوات :

كاسات زجاج ( كاسات الجبنه او غيرها)

الوان اكريليك

لصقات الطوابع  _ تجليد

جليتر 

بخاخ ورنيش

مقص

الخطوات :

١-نلصق الطوابع على الكاسه 

٢-بعدها نستخدم الجليتر على حواف الكاسه

٣-بعدين نغطي الكاسه بلون الاكريليك زي ما هو 

واضح في الصورة

وممكن تحطي الجليتر على كل الكاس

٤-نستنى تنشف وبعدها نشيل الطوابع بس ننتبه واحنا نسوي هذي الخطوة عشان ما يعدم شكلها

٥-نرش عليها بخاخ الورنيش

عشان نحافظ على العمل 

وكذا راح يكون شكلها النهائي 

....

الطريقة الثانية :

تقريبا نفس طريقة الاول بس بدون الطوابع 

مع زيادة الجليتر على الحواف 

.......

الطريقة الثالثة:

١-نحتاج اول شي تجليد ونثنيه ونرسم عليه نص قلب ونقصه

٢-نلصقه على الكاسه

٣- نلون الكاسه بالكريليك

٤-نخرج التجليد بعد ما ينشف اللون بس برضوا ننتبه واحنا نخرجه عشان يطلع مرتب

وكذا راح يكون شكلها بعد مانشيل التجليد

اتمنى تكون عجبتكم الافكار وتجربونها

 🌷

علبة مناديل بالجوخ ❤️

بسم الله الرحمن الرحيم
السلام عليكم ...

فكرة اليوم هي كيف نسوي علبة منديل بشكل جميل 

و في نفس الوقت بطريقة سهلة وسريعة 

الادوات :

1- جوخ لونين ( الجوخ اخذته من جرير تقريباً١٠ الوان مختلفه
 والسعر١٠او١٥ مو مذكره بالضبط )

2-  مقص

3- غرا مسدس

الخطوات :

نجيب قطعة من الجوخ ونثيها من الجنبين بحيث تتقابل في المنتصف 

لما نتاكد انها متساويه

نغري الاطراف بالغرا المسدس

ونترك الوسط بدون غرا

وننتظرا الغرا يجف

....

الخطوة الثانية :

الجوخ الثاني نثنيه من النص ونرسم نص قلب 

ونقصه
 الخطوة هذي الحلو فيها ان القلب يكون متساوي

و نقص القلب من النص مثل الصورة الثانية

.....

بعد ما جف الغرا نقلب الجوخ بحيث يكون اللي  برا جوا 

 واللي جوا برا عشان يكون مرتب وما يبان الغرا
 اتمنى تكون الفكره وصلت :$

....

الخطوة الاخيرة

نجيب القلب ونلصقه على علبة المنديل بالشكل هذا 

اتمنى تكون عجبتكم وتجربونها ❤️



.

اطواق للشعر ❤️❤️

بسم الله الرحمن الرحيم

السلام عليكم ...

اليوم راح اعرض لكم كيف غيرت ربطات الشعر القديمة لاطواق شعر .. بكذا طريقة

ادوات العمل 

ربطات شعر  

مقص 

اطواق شعر 

غرا مسدس

شرايط

...

الطريقة الاولى 

هذي اسهل طريقة 

اول شي نثبت طرف الشريطة على الطوق بالغرا وبعدين نبدا نلف الربطة على الطوق الين نغطي كل الطوق بالربطة ونثبت النهاية بالغرا 

الخطوة الاخيرة نثبت

الشرايط على طرف الطوق 

الطريقة الثانية 

نسوي ربطة الشعر على شكل فيونكة بس نخلي طرف قصير وطرف طويل عشان يكون مكان الفيونكة على الجنب مو وسط الطوق

نثبت الربطة على كل الطوق بالغرا وبعدين نحط الغرا على الاطراف بس ونثني الربطة ونثبت عليها الشريطة بالغرا 

الطريقة الثالثة 

اول شي قصيت الشريطة بالنص وثبت الربطة على الطوق بس هذي المرة نثني الاطراف كلها ونغلف الطوق بالشريطة ونفس الشي نحط الشرايط على الاطراف 

نص الشريطة الثاني سويته على شكل فيونكة  اول شي نجيب قطعة طويله ونغريها من الوسط ونثبتها في وسط الطوق 

وبعدين نجيب قطعة اصغر ونحطها على الفيونكة وعلى الطوق ونغريها عليه عشان تكون ثابته وما تطيح الفيونكة 

......

اتمنى تعجبكم الفكره وتجربونها

❤️