بسم الله الرحمن الرحيم
السلام عليكم 💖
موضوع التدوينة اليوم عن افكار ممكن تستخدموها
لتزيين قرطاسية المدرسة او الجامعة
ان شاء الله تعجبكم ❤️
الموضوع تقريباً فكره وحده
بس راح اسويها على كذا حاجه
...
الادوات اللي راح استخدمها
جليتر سبع الوان
غرا مود بودج
طوابع
فرشه او اسفنجه للتوزيع
الوان اكريليك
الخطوات
توزعي الغرا على الدفتر وبعدين تنثري الجليتر
وبعدين نحط الطابعة
بس لو تحطون الطابعة في البدايه وتوزعون الغرا افضل لانها جات طايره معايا ومهي ثابته :(
ملاحظة:
لو في الاخير تحطون طبقة غرا كمان افضل عشان ما يتناثر الجليتر ❤️
دحين راح اسوي نفس الفكره
بس هذي المره على المراسيم او قلم الرصاص
اول شي لونته بالوان الاكريليك
وبعدين استنيت لين ينشف وبعدها وزعت الغرا ونثرت الجليتر
وهذي فكره ثانية
باللصق الملون اول شي غطيت كل المرسام باللصق بالطول وبعدين الشكل الثاني حطيته بالعرض
فكره بسيطة موجودة في النت بكذا طريقة ❤️
الطريقة الاخيرة
نفس طريقة المراسيم بس استخدمت اللون الكحلي
سويتها على كوب استخدمه انا للمراسيم والفرش والاقلام
طلع شكله في الاخير زي المجره او الجالكسي 🌟
في الاخير اذا حابه رشي عليه ورنيش
❤️
.......
اتمنى يكون الموضوع عجبكم
واسفه اني ما صورت بعض الخطوات
والله يوفقكم في دراستكم ويجعله عام دراسي سعيد وخفيف عليكم
❤️❤️❤️
